| Arduraduna | Komunikazio Ataleko Kultura Zientifikoaren Unitatea (KZU) |
| Azalpena | Nafarroako Unibertsitate Publikoak (NUP) “Hiru minutuan” lehiaketaren laugarren edizioa jarri du abian. Lehiaketaren bidez, ikasketa amaierako lanen edukia espezializatua ez den publiko bati 180 segundoan hobekien azaltzen dioten graduko eta masterreko ikasleak saritzen dira. Lehiaketan 1.000 euro banatuko dira sarietan (500 euro masterreko kategorian eta 500 euro gradukoan). Eskaerak aurkezteko epea 2019ko urriaren 4ko 14:00etan amaituko da (ostirala).
Lehiaketako finalistek hiru minutuan azalduko dute beren ikasketa amaierako lana jende guztiari irekitako final batean. Finala Iruñeko Planetarioan eginen da, azaroan.
Lehiaketan izena ematen dutenek jendaurrean hitz egiteari buruzko doako prestakuntza saio batean parte hartzen ahalko dute, bai finalaurrekoa bai ondorengo finala prestatzeko.
Finalaurrekoa azaroan eginen da Iruñeko Arrosadiko campusean, eta ez da jendeari irekita egonen.
NUPeko Kultura Zientifikoaren Unitatearen webgunean (KZU) kontsultatu daiteke “Hiru minutuan” lehiaketari buruzko informazio eguneratu guztia.
“Hiru minutuan” lehiaketak Zientziaren, Berrikuntzaren eta Unibertsitateen Ministerioko Zientziarako eta Teknologiarako Espainiako Fundazioaren lankidetza jasotzen du (FECYT).
|
| Epea | Izena emateko epea zabalik egonen da 2019ko urriaren 4ko 14:00ak arte (ostirala).
|
| Nork eskatzen ahal duen | Nafarroako Unibertsitate Publikoan beren gradu amaierako edo master amaierako lana 2018-2019 ikasturtean aurkeztu dutenek izanen dute parte hartzeko aukera, betiere lehiaketarako eskaerak aurkezteko epea bukatu baino lehen egin badute defentsa, hots, 2019ko urriaren 4a baino lehen.
|
| Eskaeraren baldintzak | 1. Nafarroako Unibertsitate Publikoan gradu amaierako edo master amaierako lana 2018-2019 ikasturtean aurkeztu izana, betiere lehiaketarako eskaerak aurkezteko epea bukatu baino lehen egin badute defentsa, hots, 2019ko urriaren 4a baino lehen.
2. Lehiaketan parte hartzeko eskatzen duten unean, izangaiek egiten ari diren master amaierako lanaren edo gradu amaierako lanaren zuzendariaren oniritzia beharko dute.
3. Lehiaketan parte hartzen dutenek ematen duten datu edo informazio orok zabaltzeko modukoa izan behar du. Ikerketak konfidentzialtasun-hitzarmenen baten mendekoak badira, lehiaketako parte-hartzaileen eginkizuna izanen da hitzarmenean parte direnen adostasuna lortzea lehiaketan adierazi beharrekoari dagokionez. Nafarroako Unibertsitate Publikoak ez du bere gain hartuko hori ez betetzeak ekar ditzakeen arau-hausteen ardura.
4. Parte-hartzaileek konpromisoa hartzen dute lehiaketa egiten den egunean (2019ko azaroan) bertan izateko. Parte-hartzea presentziala izanen da nahitaez (ez da onartuko bideokonferentziaz edo horrelako sistemen bidez egitea).
|
| Tasak/prezio publikoak | Izena ematea eta parte-hartzea doakoak dira.
|
| Documentazioa | Deialdian zehazten dena:
-Eskabide inprimakia.
|
| Araudia | Kontsultatu deialdiaren oinarriak.
|
