Nafarroako Unibertsitate Publikoaren egoitza elektronikoa telekomunikazio sareen bidez herritarrentzat eskuragarri dagoen helbide elektronikoa da; haren titulartasuna, kudeaketa eta administrazioa Unibertsitateari dagozkio, eta Unibertsitatearen ardura da, halaber, haren osotasuna eta egiazkotasuna bermatzea eta haren bidez eskura daitezkeen informazioa eta zerbitzuak eguneratzea.

Egoitza elektronikoaren helbide elektronikoa https://sedeelectronica.unavarra.es/ da, eta zuzenean eta Nafarroako Unibertsitate Publikoaren web atarian (http://www.unavarra.es) egonen den esteka baten bidez sartzen ahalko gara hartan.

Unibertsitatearen egoitza elektronikoa gailu seguruaren ziurtagiri espezifiko baten bidez edo bitarteko baliokide baten bidez identifikatuko da. Egoitza elektronikoaren ziurtagiriaren helburu bakarra hura identifikatzea izanen da. Atal honetan kontsultatzen ahal dituzu xehetasunak: Ziurtagiriak egiaztatzeko sistema.

EDUKIAK

Egoitza elektronikoaren bidez, aukera egonen da Unibertsitatearen prozedura eta jarduera administratibo automatizatu guztietara sartzeko eta haiek tramitatzeko, baita Unibertsitatearekin bitarteko elektronikoen bidez izandako harremanetan pertsona fisiko edo juridikoen autentifikazioa eskatzen duten zerbitzuetara sartzeko ere.

Halaber, zerbitzuak eraginkortasunez eta kalitatez ematearren Unibertsitateak egoitzan sartzen dituen beste prozedura batzuk ere tramitatuko dira.

NOR DAGO BEHARTUA UNIBERTSITATEAREKIN HARREMAN ELEKTRONIKOAK IZATERA?

Unibertsitateko ikasleak, irakasleak, ikertzaileak eta administrazioko eta zerbitzuetako langileak, unibertsitatearekiko harreman administratibo eta akademikoetarako, Esperientziaren Gelako ikasleen kasuan izan ezin.

Nafarroako Unibertsitate Publikoak antolatzen dituen unibertsitatera sartzeko probetan parte hartzen duten pertsonak.

Unibertsitatean ematen diren ikasketa ofizial eta berekietako edozeinetan onarpena eskatzen duten pertsonak, onarpena Esperientziaren Gelan ematen diren ikasketetan eskatzen dutenak izan ezik.

Exijitzen den prestakuntzaren arabera, Unibertsitatearen prozedura hauetakoren batean parte hartzen duten pertsona fisikoak: irakasleak eta/edo ikertzaileak eta administrazioko eta zerbitzuetako langileak hautatzeko prozeduretan, beken eta laguntzen prozedura eta deialdietan, eta Unibertsitateak deitutako beste edozein lehiakortasun prozeduratan.

39/2015 Legearen 14.2 artikuluan eta horiekin bat datozen xedapenetan ezarritakoaren arabera, Unibertsitatearekin harreman elektronikoak izatera behartuta dauden gainerako pertsona fisiko eta juridikoak.